ام الدنيا حكاية القلب والجسد

اخوانى اعضاء وزوار منتديات هيماا
اليوم موضوعى بجد مش عارف هقول فية اية
جايز اخترت الاسم قبل اما افكر هكتب اية وهتكلم عن اية
بس ام الدنيا دى مصر حبيبتى عشقى الاول والاخير انتمائى ووجودى استنى متضحكش دة اكيد
الدليل على دة
جرب اتغرب واهرب من الحياة فيها وانت وقتها هتعرف قيمتها بلدنا دى جميلة قوى بس لما نشوف شكلها واحنا بعيد
جايز انا واحد من الناس مفكرتش اروح بعيد عنها
حياتى فيها حبيتها فى مرها وفى شو قوتها وفى ليلها اللى بسهرة ديما
حبيتها فى شعبها وعملها اللى بشوفهم صاحين من الفجر رايحين شغلهم ووقتها بكون لسا رايح انام
غريب الطبع والصفات ومصر ام الاخترعات
ما علينا ندخل على المهم والاهم فكرتى وانا بكتب عن ام الدنيا انى اقسمها لاقسام مع انها قلب واحد فى جسد العالم

العالم كشخصية ظريفة بيعجبك فيها دول بتحبها بجد وبتفضل تزورها بمجرد معلوماتك عنها
ام الدنيا هيا مصر وفى نصف الجسد دة
وفى القلب بتشوف القساوة من الزمن
وبتشوف الحب من طيبة قلب الناس
وفى البرد بتلاقى القلب دافى غير العالم كلة والحضن صافى بتحضنك وتبعد عنك العذاب والله كلامى حكنى بس لة معنى
هههههههههه
ماشى نكمل جايز نطلع بموضوع جديد
وبكدا انا قسمت ام الدنيا
باقى عليا اعرف شخصيتها
البارزين
لما نفتكر زمان بنروح كلنا على الانسان اللى ساب علامة صح على وجودة فى القلب دة
ومنهم السيدة ام كلثوم وطة حسين
عملو اية لمصر مش هقول عملو كتير
بس بجد كانو زى كرات دم حمراء بتحمى القلب من اى فيروس
ومعاهم ظهور عبد الناصر والسادات وكانو كرات دم بيضاء بتحمى القلب بالتفكير الدقيق
بس طبعا منغير صمود الكرات بتضعف والفيروس بيتحكم فى القلب عاوز يخنقة
ومع اول فيروس نفس الناس دى وقفت واتجمعو على انهم جهاز المناعة للقلب
وكونو وحدة ولمو الناس السهارة
وقامو بطرد الفايروس
دة تاريخ
ما علينا
ندخل فى عصر جميل
تكنولوجيا القلب

التقدم زاد علينا والحرية بقيت سلاحنا والعقل بيفكر فى التقدم وديما بقيت الجسد عاوز روحنا
جة فى القلب دة ناس بتبنى وناس بتهدم وناس تقرب وناس بتعبد
وناس عاوزة مصلحتها وناس عاوز تقتل ناس علشان تعيش عليها
ومع ظهور المادة اللى هيا الفلوس طبعا
الناس بقيت غير الناس
ظهر عنصر مهم
بيثبت وجودة وعظمتة وشخصيتة
ظهر الشيخ الشعراوى وكان علاج مهم للمادة وللتفكير العقلانى الخالى من الطيبة
وظهر الدكتور زويل اللى شرفنا فى بقيت الجسد ووصل عرق جميل بيحكى عن القلب فى بقيت الجسد
وظهروة قرب كتير منننا ووجودة كان علامة ووسام على صدرنا

ولسا القلب بيعانى من غلاء الاسعار اللى بقيت بجد زى النار ولا طابور العيش
وقانون كل يوم بينزل
بس سكان القلب طايبيبن وعارفين انة ليهم رب ومنة كتير قريبين

وبيجمعهم الحب والطيبة والدنيا الغريبة اللى بتغير كل يوم شخصية وبيظهر للقلب دة كل يوم اغنية باسمك يامصر بنادى
وبقول انتى عشقى وفؤادى
ولو عاوز تحس بدة فكر تتغرب واوعى تانى تقرب الا لما تتاكد

المهم دة كان مووع يارب يكون عجبكو بجد والله دة كلة كلامى ودة عبارة عن سلامى
لاى انسان بيحب ام الدنيا اللى هيا القلب اللى هيا مصر
معلش نسيت الفراعنة بس دول بجد اصل القلب

كتب لكم
HeMaA

عدد الرسائل : 53 تاريخ التسجيل : 03/07/2008

بجد عندك حق فى كل كلمه قولتها بس احنا لازم نحاول عشان نغيرها ونخليها لااحسن لانها تستاهل مننا ان احنا نخليها احسن من كده
وميرسى على التوبيك الجميل